كيف تصبح شيخ قبيله ؟؟؟؟

كيف تكون شيخ قبيلة

كان يا ما كان في كل عصر وأوان شخص يدعى هلفوت بن سحتوت المهم ان هلفوت بن سحتوت
دا كان كل امنياته في الحياه انه يبقى شيخ قبيلة لكنه لم يكن يتمتع بأبسط
مقومات الشياخه ولم يجد من يعطيه المجال لأن حكاية الشياخه دي لها ناس
وآخرهم ممكن يكون هلفوت بن سحتوت
بعد ما يأس من الشياخه في قبيلته قال يا واد إعمل لك سيف زي بتوع الشيوخ واكتب عليها الشيخ هلفوت بن سحتوت

المشكله إن هلفوت بن سحتوت معندوش فلوس خالص. قام باع الغنم كلها علشان يفصل السيف. فصّل السيف وكتب عليه: الشيخ هلفوت بن سحتوت قاتل ميّه وعاتق ميّه. علشان الشياخه تكون على اصولها

المهم إنه بقى على الحديدة وساح في الارض هائم على وجهه لا فرس ولا حتى حمار ومشى وبعد عن بلده ومن كثر التعب نام تحت شجرة

وهو نايم جه مجموعة رجال قربوا منه وبدون ما يحس قرأوا المكتوب على السيف: الشيخ هلفوت بن سحتوت قاتل ميّه وعاتق ميّه. ياخبر أبيض! الله يكفينا شره ده مش واحد عادي. ده اللي إحنا عايزينة اللي بيحل مشاكلنا
المهم صحوه بالراحة "قاتل ميّه" يعني العفاشه ما تنفعش معاه. المهم قام الشيخ هلفوت بن سحتوت خير فيه إيه؟ من الخوف طبعاً. لالا أبداً بس قلنا تتفضل عندنا هنا يا شيخ هلفوت. هاااه الشيخ هلفوت؟
طيب طيب . أول مره يسمعها في حياته. راح معهم غدوه وبسطوه وقيل عندهم
وقالوا له روس القبيلة عازمينك الليله على العشاء وياريت ماتكسفناش. إتعشى
وإنبسط وبعد العشاء قالوا له ياشيخ إحنا قبيله ضعيفة وما عندناش فارس ولا
عندنا شيخ، وقطاع الطرق بهدلونا مفيش يوم الا وهم داخلين عندنا ياخدوا كل
اللي عايزينه من أملاكنا وإحنا زي مانت شايف

لمعت عيون الشيخ هلفوت من الفرح، قالوا له اسمع إحنا بنحطك شيخ لنا كلنا. طبعا الشيخ هلفوتوافق على طول. قالوا بس فيه شروط. الشيخ هلفوت يتمتم: إمرنا لله، وشروطكم إيه؟ قالوا فيه ثلاثه اختبارات ان نجحت فيها تاخذ الشياخه وان فشلت فمالك عندنا إلا ضيافه ثلاثه أيام

الشرط الاول اختبار الفروسيه والقتال

الشرط الثاني اختبار الشجاعه

الشرط الثالث اختبار الذكاء
الشيخ هلفوت
فكر شوية وهوعارف إن ما فيش ولا شرط ينطبق عليه. قال يا واد خليني استفيد
قدر المستطاع على الأقل اذا جاء اختبار الفروسيه آخد من عندهم فرس وأهرب
بها. وافق الشيخ هلفوت

قالوا اختبار الفروسيه بكره جهز نفسك. جاء اليوم الثاني، قالوا له عايزينك تقاتل قطاع الطرق وتخوفهم علشان ما يرجعوش هنا تاني

قال طيب بس هاتولي فرس متعوده على الكر والفر. الشيخ هلفوت عمره
ما ركب خيل. ربطوه على الفرس ربطه تمام وأخد سلاحه وسأل فينهم؟ قالوا في
الجهه الشماليه وأول ما بعد عنهم طار جهه الجنوب، ومشى الا وقطاع الطرق
قدامه. شافتهم الفرس وتطير عليهم والشيخ هلفوت
يحاول ينزل يمين شمال يحاول يوقف الفرس مفيش فايده رايحه رايحه وهو مربوط
ربطه صح وفجأة يلاقي شجره قدامه مسك في فرع كبير نازل منها، لكن الربطه
كانت اقوى ويطلع الفرع في إيده. أول ماشافوه قطاع الطرق والفرع الكبير في
إيده خافوا منه وسلموا واستسلموا. ولما شافهم الشيخ هلفوت مستسلمين
قال يالله يا كلاب واحد منكم يربط الباقيين ورجع بهم وراح للقبيله وهم قدامه مربوطين زي الغنم
القبيلة فرحوا وأقاموا الزينات والأفراح وأكرموا الشيخ هلفوت

جه اختبار الشجاعة.
قالوا له فيه اسد دايماً ياكل غنمنا وبقرنا وعايزينك تقتله. قال هاااااه
اسد؟ عدلوا بدلوا قالوا أسد يعني أسد، قال طيب سيبوني عليه بس عايز فرس
غير الفرس اللي فاتت. إختار الشيخ هلفوت وحده شكلها ضعيفه ومسكينة. قالوا يا شيخ هلفوت دي تعبانه وإنت هتقابل اسد
قال
لهم محدش له دعوة. المهم اخذ الفرس التعبانه وسألهم فين طريق الأسد؟ قالوا
من الشرق قال طيب خلاص. وزي المرة اللي فاتت طار على الغرب وهو بيقول:
قالوا اسد مجنون انا؟ مشى لغاية ماتعب، شاف شجرة كبيرة وقال أرتاح هنا
شوية. ربط الفرس وطلع هوه نام فوق الشجرة. نام
شويه الا والاسد جاي يرتاح من الحر. الفرس شمت ريحة الاسد وتطير راجعة لأهلها والشيخ هلفوت نايم في سابع نومه

نام الأسد. والشيخ هلفوت ينقلب ويقع على ظهر الأسد. صحي الأسد لكن الشيخ هلفوت من كثر الخوف تمسك مظبوط لانه عارف انه لووقع هياكله الأسد. ويحاول الأسد يوقعه لكن صاحبنا ماسكه مسكه خوف ومتسمر فيه

وبينما الصراع (صراع من اجل البقاء فوق ظهر الأسد) قائم بين الشيخ هلفوت والأسد وصلوا أهل القبيلة وشافوا الشيخ فوق ظهر الأسد ويجي واحد من القبيله ويقتل الأسد. يقع الاسد ويموت والشيخ هلفوت متسمر فيه. راحوا يهنوه بالسلامة لقوه زعلان أوىىىى . قال مين الغبي اللي قتل الأسد؟ أنا كنت قاعد اروضه عشان أعمله ركوبه لي

ورجعوا والقبيله يعشوه ويبسطوه ويحتفلوا بالشيخ هلفوت الفارس العظيم مروض الأسود

جاء موعد الاختبار النهائي. إختبار الذكاء. دا بقى مفيهوش حظ. ياوقعتك السودة ياشيخ هلفوت

المهم جابوا برميل وحطوا نصها التحتاني زفت والنص الثاني عسل. غطوها وقالوا يالله يا شيخ هلفوت
تقدر تقول لنا البرميل ده فيه إيه؟ قعد يفكر في الكرم اللي كان فيه
والأمجاد اللي عاشها اليومين اللي فاتوا مع القبيلة اللي نادوه بأغلى اسم
عنده وهو الشيخ هلفوتوهو بيكلم
نفسه وقلبه بيتقطع على العز اللي هيسيبه وبدون ما يحس طلع من لسانه جزء من
الشئ اللي بيفكر فيه. قال: اللي اوله عسل اخره زفت. كلهم إتنططوا وقالوا
صح صح جبتها يا شيخ هلفوت. وهم بيحتفلوا به وهو مش عارف إيه الحكاية إلا بعد مافتحوا البرميل. واخيرا تحقق الحلم

واصبح

هلفوت

بن

سحتوت

شيخ

قبيلة